പരസ്യവിസ്മയങ്ങള്‍!!!

എവിടെ തിരിഞ്ഞു നോക്കിയാലും കാണുന്ന നൂറു കണക്കിനു പരസ്യങ്ങളില്‍ , മറക്കാനാവാത്ത വിധം വ്യത്യസ്തമായ ചിലത് താഴെ കാണാം…

ഇവയുടെ പിന്നില്‍ പ്രവര്‍ത്തിച്ച ക്രിയേറ്റീവ് ജീനിയസുകളെ കണ്ടിരുന്നെങ്കില്‍ പോയി ശിഷ്വത്വം തേടാമായിരുന്നു…!
മാസികയിലെ പേജ് മറിക്കുമ്പോള്‍ മൂന്ന് സെക്കന്റിലേറെ ഒരു പരസ്യത്തില്‍ കണ്ണുടക്കണമെങ്കില്‍ അതത്ര മാത്രം വ്യത്യസ്തമായിരിക്കണം…
പരസ്യങ്ങള്‍ ചെയ്ത ഏജന്‍സികളുടെ വെബ് സൈറ്റുകളും ഉഗ്രന്‍ തന്നെ…
ചിത്രത്തില്‍ ക്ലിക്കിയാല്‍ വലുതായി കാണാം…പുതിയ വിന്‍ഡോയില്‍ തുറക്കും…
1)ഒളിമ്പസ് ക്യാമറയുടെ ഓട്ടോ ഫോക്കസ് ഇതിലും നന്നായി എങ്ങനെ കാണിക്കാന്‍ പറ്റും? – ഡയമണ്ട് ഒഗിള്‍വി ഗ്രൂപ്പ്‌, കൊറിയ ചെയ്തത്
2)ഫ്ലാഷ് ലൈറ്റ് നിര്‍മ്മാതാക്കളായ മാഗ്-ലൈറ്റ് – ഡ്രാഫ്റ്റ്‌ എഫ് സി ബി, വെനിസ്വെല
3)ആനിമല്‍ പ്ലാനെറ്റ് ഡോകുമെന്ററികളുടെ ഒറിജിനാലിറ്റിയുടെ രഹസ്യം! – ഡി ഡി ബി, ജര്‍മ്മനി
4)നികോണ്‍ S60 – 12 മുഖങ്ങള്‍ വരെ കണ്ടു പിടിച്ചു കളയും!!! – യൂറോ RSCG, സിങ്കപ്പൂര്‍
5)ഇത്രയും മൂര്‍ച്ച ഉള്ള കത്തികള്‍ അധികം കാണില്ല…!!! – KNSK, ജര്‍മ്മനി
WMF
6)മാജിക്‌ ഒക്കെ ഇത്രേ ഉള്ളു…ഗ്ളാസെക്സ് ഉപയോഗിച്ച് ചില്ല് തുടച്ചാല്‍ മതി… JWT, ഇറ്റലി
7)ഒമാക്സ് വൈഡ് ആംഗിള്‍ ലെന്‍സിന്റെ ഗുണം കണ്ടോ? – പബ്ലിസിസ്, ഇന്ത്യ
8)ഒരാള്‍ മാത്രം ഡയാഡെ൪മി൯ ക്രീം തേച്ചു…! – BBDO, ജര്‍മ്മനി
9)സാംസങ് MP3 പ്ലെയെര്‍ – ചെയ്ല്‍, കൊറിയ
10)ലോകം കൊതിച്ച ടെസ ടേപ്പ്… – ഹെഡ്സ്, ബ്രസീല്‍
Advertisements

ബോസിനെ പറ്റിക്കാന്‍ 6 വഴികള്‍ !!!

ഏതു നിമിഷവും പിന്നില്‍ കേള്‍ക്കാന്‍ സാധ്യതയുള്ള, ബോസിന്റെ കുളമ്പടി ശബ്ദം ഭയന്നാണ് നിങ്ങള്‍ ഓഫീസില്‍ ഇരുന്നു ട്വീറ്റിങ്ങ്, ഓ൪ക്കുട്ടിംഗ് മുതലായ കലാപരിപാടികള്‍ ചെയ്യുന്നതെങ്കില്‍ നിങ്ങള്‍ക്കുള്ള സന്തോഷവര്‍ത്തമാനം ഇതാ…! ഇടയന്മാര്‍ കേട്ട ദൈവ വചനം പോലെ, മനസ്സില്‍ എല്ലാം സംഗ്രഹിച്ചു വെച്ച ശേഷം ട്വീറ്റിങ്ങ് തുടരൂ…

1) പാനിക്
ഒരു കൊച്ചു ഫയര്‍ ഫോക്സ് എക്സ്റ്റന്‍ഷന്‍ ആണിത്. ആകെ ചെയ്യേണ്ടത് ഒരു പാനിക് യു ആര്‍ എല്‍ സെറ്റ് ചെയ്യുക എന്നതാണ്. ഉദാ:-http://msdn.microsoft.com/. പിന്നെ ഒരു കീ അസൈന്‍ ചെയ്തു കൊടുക്കുക. പിന്നെ മനസ്സിനെ ശാന്തമാക്കി ബ്രൌസിംഗ് തുടങ്ങുക. ഒരു 10 ട്വീറ്റ് ഇട്ടു കഴിയുമ്പോളായിരിക്കും ആരെങ്കിലും പിന്നില്‍ വരുന്നത്…ആ നിമിഷം തന്നെ നേരത്തെ സെറ്റ് ചെയ്ത കീ അമര്‍ത്തുക. ഞൊടിയിടയില്‍ എല്ലാം ക്ലോസ് ആയി നമ്മുടെ പാനിക് യു ആര്‍ എല്‍(http://msdn.microsoft.com/) പൊങ്ങി വരും.

എക്സ്റ്റന്‍ഷന്‍ ദാ ഇവിടെ കിട്ടും – https://addons.mozilla.org/en-US/firefox/addon/6367

2) മാജിക്‌ ബോസ്സ് കീ
തട്ടിപ്പ് കാണിക്കാനുള്ള അടുത്ത വിദ്യ. മാജിക്‌ ബോസ്സ് കീ എന്ന ഫ്രീവെയര്‍ ഉപയോഗിച്ച് കീ സെറ്റ് ചെയ്തു വെക്കുക. ആവശ്യം വരുമ്പോ ഭഗവാനെ ധ്യാനിച്ച് അമര്‍ത്തുക. അത് വരെ തുറന്നു വെച്ച എല്ലാ വിന്‍ഡോയും ഞൊടിയിടയില്‍ അപ്രത്യക്ഷമായിക്കൊള്ളും. പൊടി പോലും കണ്ടുപിടിക്കാന്‍ പറ്റില്ല. ഒന്ന് കൂടി കീ അമര്‍ത്തിയാല്‍ എല്ലാം വീണ്ടും പൊങ്ങി വന്നുകൊള്ളും.

ദാ കിടക്കുന്നു – http://www.magictweak.com/freeutil/magicboss/magicboss.php

3) ഹൈഡ് ടാബ്
വീണ്ടും ഒരു ഫയര്‍ ഫോക്സ് എക്സ്റ്റന്‍ഷന്‍. പതിവ് പോലെ പാനിക് യു ആര്‍ എല്‍ സെറ്റ് ചെയ്യുക. പിന്നെ Ctrl+Q അമര്‍ത്തിയാല്‍ അത് വരെ തുറന്നു വെച്ച ടാബുകള്‍ എല്ലാം സ്റ്റാറ്റസ് ബാറില്‍ ഒരു കുഞ്ഞു ഐക്കണ്‍ ആയി ഒളിഞ്ഞു കിടന്നോളും. പകരം നമ്മുടെ പാനിക് പേജ് പൊങ്ങി വരും. പിന്നെ Ctrl+Alt+Q അടിച്ചു എല്ലാത്തിനെയും പൊക്കി എടുക്കാം.

ഇവിടെ – http://hidetab.com/

4) വിന്‍ഡോസ്‌ ഹൈഡീ
ഒരു നിമിഷാര്‍ധം കൊണ്ട് അത് വരെ തുറന്ന വിന്‍ഡോസ്‌ അദൃശ്യമാക്കികളയും. അത് പോലെ തന്നെ സെറ്റ് ചെയ്ത കീ ഞെക്കുമ്പോള്‍ എല്ലാം പുനഃസ്ഥാപിക്കപ്പെടും.

ചുമ്മാ നോക്ക് – http://www.xigga.com/hidie/

5) ഡാഡ്’സ് എറൌണ്ട്
ഇതൊന്നും പറ്റില്ലെങ്കില്‍ വേറൊരെണ്ണ൦. കൂടുതല്‍ ഓപ്ഷ൯സ് ഉണ്ട്.

ഇവിടെ – http://elitefreeware.blogspot.com/2009/01/dads-around-is-simple-and-portable-boss.html

6) ഇത്രയും ആയ സ്ഥിതിക്ക് ഇവിടെ കൂടെ ഒന്ന് കയറിയിട്ട് പോ..

http://www.vanishd.com/

ഹാപ്പി ട്വീറ്റിങ്ങ്…!

ഗൂഗിള്‍ ഗോഗ്ഗിള്‍സ്!!!

എന്തൊക്കെ പറഞ്ഞാലും ഗൂഗിളിനെ സമ്മതിക്കണം…! ഇങ്ങനത്തെ കിടിലന്‍ ആശയങ്ങള്‍ കൊണ്ടു വരുന്നതിന്. ഗൂഗിള്‍ ഗോഗ്ഗിള്‍സ് – ഇതാണ് ഇവരുടെ പുതിയ ഐറ്റം… സേര്‍ച്ചിന്റെ കാര്യത്തില്‍ അവരെ വെല്ലാന്‍ കുറെ പേര്‍ അവതരിച്ചുവെങ്കിലും ഇപ്പോഴും ഒന്നാമത് അവര്‍ തന്നെ എന്ന് ഞാന്‍ വിശ്വസിക്കുന്നു…അതില്‍ ഒരു പടി കൂടി കടന്നു നില്‍ക്കുകയാണ് ഗോഗ്ഗിള്‍സ്. ഗൂഗിളിന്റെ സ്വന്തം ഓപ്പറേറ്റിങ്ങ് സിസ്റ്റമായ ആന്‍ഡ്റോയിഡ് ഉപയോഗിക്കുന്ന ഫോണുകളില്‍ ലഭ്യമായ അപ്ലിക്കേഷന്‍ ആണിത്. വിഷ്വല്‍ സെര്‍ച്ച്‌ ആണിതിന്റെ പ്രത്യേകത. ഫോണിലെ ക്യാമറ ഉപയോഗിച്ച് സ്ഥാപനം, ഡി വി ഡി, പുസ്തകം, ബാര്‍ കോഡ്, പ്രധാനപ്പെട്ട സ്ഥലങ്ങള്‍ തുടങ്ങി എന്തിന്റെയെങ്കിലും ചിത്രം എടുക്കുക – ഗൂഗിള്‍ അവയെ പറ്റിയുള്ള വിവരങ്ങള്‍ ലഭ്യമാക്കും…! GPS ഫലപ്രദമായി ഉപയോഗിക്കുന്നത് വഴി സ്ഥലങ്ങളെ പറ്റി കൃത്യമായ വിവരങ്ങള്‍ തന്നെ നല്‍കാന്‍ ഗോഗ്ഗിള്സിനു കഴിയും.

ഈ വീഡിയോ നോക്കൂ…

നാളെ നിങ്ങളുടെ സുഹൃത്തിന്റെ ഫോട്ടോ എടുത്താല്‍ ഗൂഗിള്‍ എന്തൊക്കെ വിവരങ്ങളാകും  നല്‍കാന്‍ പോകുന്നത്?

ചില ചിത്രങ്ങള്‍ (പി സി വേള്‍ഡില്‍ നിന്ന് ചൂണ്ടിയത്)


ഗുഡ് ബൈ മിനിനോവ !!

അങ്ങനെ മിനിനോവയുടെ കാര്യവും തീരുമാനമായി… ലോകത്തിലെ ഏറ്റവും വലിയ ടൊറ൯റ് ഭീമനായിരുന്ന മിനിനോവ പകര്‍പ്പവകാശമുള്ള ടൊറന്റുകള്‍ എല്ലാം നീക്കം ചെയ്ത് ‘ക്ലീന്‍’ ആയിപ്പോയി…

ഡച്ച് ആന്റി പൈറസി സംഘടന ആയ BREIN മായുള്ള കേസില്‍ തോറ്റതിന്റെ പരിണിത ഫലം…
അഞ്ചു വര്‍ഷക്കാലം നീണ്ട ഒരു യുഗം അങ്ങനെ അവസാനിച്ചു. ഡിസംബര്‍ 2004 ല്‍  മറ്റൊരു ഭീമനായ സൂപ്പര്‍നോവ അകാലചരമമടഞ്ഞപ്പോള്‍ ഉയിര്‍ത്തു വന്ന നിരവധി സൈറ്റുകളില്‍ ആള്‍ക്കാര്‍ വരവേറ്റത് മിനിനോവയെ ആയിരുന്നു. സൂപ്പര്‍നോവ പൂട്ടി ഒരു മാസമാകാറായപ്പോള്‍, അഞ്ചു ഡച്ച് വിദ്യാര്‍ഥികള്‍ തുടങ്ങി വെച്ചതാണ് മിനിനോവ. തമാശക്ക് തുടങ്ങിയതാണെങ്കിലും പിന്നീട് മില്യന്‍ കണക്കിന് ഡോളറുകള്‍ വരുമാനമുണ്ടാക്കുന്ന സൈറ്റായി മാറി. പ്രശസ്തമായപ്പോള്‍ പുറകെ പ്രശ്നങ്ങളും എത്തിത്തുടങ്ങി . ഒടുവില്‍ ടൊറന്റുകള്‍ നീക്കം ചെയ്യുക അല്ലെങ്കില്‍ 5 മില്യന്‍ ഡോളര്‍ ഫൈന്‍ അടക്കുക എന്നായപ്പോള്‍ ടൊറന്റുകള്‍ നീക്കം ചെയ്തു. ബിറ്റ്ടൊറ൯റ് എന്താണെന്നു അറിയാവുന്ന എല്ലാവരും ഒരിക്കലെങ്കിലും മിനിനോവ ഉപയോഗിച്ചിട്ടുണ്ടാകും. ശാസ്ത്രീയമായി തെളിയിക്കപ്പെട്ടതൊന്നുമല്ല, എന്റെ ഒരു അനുമാനം മാത്രം!
മിനിനോവ  തട്ടി പോയതിന്റെ അനുശോചനകുറിപ്പല്ല ഈ പോസ്റ്റ്‌, മറിച്ച് ഈ നഷ്ടം നികത്താനുള്ള വഴികളെ കുറിച്ചാണ്. ഫെഡോറ, ഉബുണ്ടു, ഓപ്പണ്‍സൂസെ തുടങ്ങിയവ കൈമാറ്റം ചെയ്യാന്‍ ആഗ്രഹിക്കുന്ന പാവം ബിറ്റ്ടൊറ൯റ് ഉപയോക്താക്കള്‍ക്ക് വേണ്ടി ഇതാ കുറച്ചു സൈറ്റുകള്‍…!
  1. VerTor – എല്ലാം കൊള്ളാവുന്നത് തന്നെ എന്നുറപ്പ് വരുത്തിയ ടൊറന്റുകള്‍ മാത്രം ആണിവിടെ .
  2. Monova – മിനിനോവയില്‍ നിന്ന് ചേക്കേറുന്നവ൪ക്കായി അവരുടെ യൂസ൪ നെയിമുകള്‍ ഒക്കെ ഇവിടെ സൂക്ഷിച്ചു റെഡി ആക്കി വെച്ചിട്ടുണ്ട്.
  3. isoHunt – 1.7 മില്യന്‍ ടൊറന്റുകളുടെ ഇ൯ഡെക്സ്
  4. The Pirate Bay – സ്വീഡനില്‍ നിന്നുള്ള (കു)പ്രശസ്തമായ സൈറ്റ്.
  5. BTJunkie – നിയമപരമായ പ്രശ്നങ്ങള്‍ കാരണം ഈയിടെ കാനഡയിലേക്ക് മാറി.
  6. Fenopy
  7. Kickass Torrents
  8. ExtraTorrent
  9. ShareReactor
  10. TorrentZap

വെറുതെ ഒന്ന് അറിഞ്ഞിരിക്കാന്‍ മാത്രമാണീ ലിസ്റ്റ്… അല്ലാതെ സിനിമ ഒന്നും ഡൌണ്‍ലോഡ് ചെയ്യാന്‍ പോയേക്കല്ലേ… 🙂