വരുന്നു…ഐ സ്ലേറ്റ്!

എല്ലാവരും കാത്തിരിക്കുകയാണ്…ജനുവരി 27 നു സാന്‍ ഫ്രാന്‍സിസ്കോയില്‍ വെച്ച് നടക്കാന്‍ പോകുന്ന ആപ്പിളിന്റെ പത്ര സമ്മേളനത്തിനായി…
ഐ പാഡ്, ഐ സ്ലേറ്റ്, ആപ്പിള്‍ ടാബ് ലെറ്റ്‌ തുടങ്ങിയ ഓമനപ്പേരുകളില്‍ അറിയപ്പെട്ടിരുന്ന, ആപ്പിള്‍ ഇത്രയും നാള്‍ കൊണ്ട് രഹസ്യമായി വികസിപ്പിച്ചെടുത്ത ആ ‘ഉപകരണത്തെ’ പറ്റിയുള്ള കൂടുതല്‍ വിവരങ്ങള്‍ അതോടെ പുറത്തു വരുമെന്ന് കരുതുന്നു…
അമിത വളര്‍ച്ചയെത്തിയ ഒരു ഐ പോഡ് പോലെ, 7-9 ഇഞ്ച്‌ ഉള്ള ടച് സ്ക്രീന്‍ ഉപകരണമാണെന്നാണ് പൊതുവേയുള്ള അനുമാനം. ഹൈ ഡെഫിനിഷന്‍ സിനിമകളും കുറെ ഗെയിംസും കളിയ്ക്കാന്‍ പര്യാപ്തമായ ഒന്ന്.
സാമ്പത്തിക മാന്ദ്യം ഇങ്ങനെ മൂത്ത് നില്‍ക്കുമ്പോള്‍ 700-1000 ഡോളര്‍ കൊടുത്തു ഇത് മേടിക്കാനും മാത്രം ‘ഓളം’ ആര്‍ക്കെങ്കിലും ഉണ്ടാകുമോ എന്നാണ് ദോഷൈകദൃക്കുകള്‍ ചോദിക്കുന്നത്…
ഒരു മധ്യവര്‍ത്തി മുഖേന iSlate.com എന്ന ഡൊമൈന്‍ ആപ്പിള്‍ നേരത്തെ തന്നെ സ്വന്തമാക്കിയിട്ടുണ്ട്.


ഒരു ടച് സ്ക്രീന്‍ ടാബ് ലെറ്റ്‌ കമ്പ്യൂട്ടര്‍ എന്ന ആപ്പിളിന്റെ സങ്കല്പത്തിന്റെ ഒരു കൊച്ചു പതിപ്പാണ്‌ ഐ പോഡ് അല്ലെങ്കില്‍ ഐ ഫോണ്‍. ആപ്പിള്‍ സ്വന്തമാക്കിയ ഫിങ്ങര്‍വര്‍ക്സ് എന്ന ടച്ച്‌ ഇന്റര്‍ഫേസ് കമ്പനിയുടെ സാങ്കേതിക വിദ്യ പിന്‍ബലം നല്‍കുകയും ചെയ്തു. പത്രങ്ങളും മാസികകളും വായിക്കുന്ന രീതി തന്നെ ഐ സ്ലേറ്റ് മാറ്റി മറിക്കും എന്നാണ് ഓരോരുത്തരുടെ വിശ്വാസം…

ഇന്നേ വരെ ചെയ്തിട്ടുള്ളതില്‍ വെച്ച് ഏറ്റവും മികച്ചതാണ് ഈ ഐ സ്ലേറ്റ് എന്ന് സാക്ഷാല്‍ സ്റ്റീവ് ജോബ്സ് പറഞ്ഞു എന്നാണ് മറ്റൊരു കഥ.അതിനെ പറ്റി കൂടുതല്‍ ഇവിടെ.
എന്തായാലും കഥകള്‍ ഒരിക്കലും അവസാനിക്കില്ല, ആപ്പിള്‍ മറിച്ചു തീരുമാനിക്കും വരെ.

Advertisements

സൈബര്‍ പാരകള്‍

പുതുവര്‍ഷാഘോഷങ്ങളുടെ ആലസ്യത്തിലാണ്ട് കിടക്കുന്നവരെ ഉണര്‍ത്താനും, ബ്രൌസിംഗ് മടുത്തു കഴിയുമ്പോള്‍ ഉണ്ടാകുന്ന കൈ തരിപ്പ് മാറ്റാനും, മയങ്ങി കിടക്കുന്ന ഓഫീസില്‍ ഒരു ‘ഓളം’ കൊണ്ടു വരാനും പറ്റിയ ചില നുറുങ്ങു വിദ്യകളാകട്ടെ ഇത്തവണ…
കമ്പ്യൂട്ടറില്‍ നിങ്ങളെക്കാള്‍ പയറ്റി തെളിഞ്ഞവരുടെ അടുത്ത് ഇത് പ്രയോഗിക്കാതിരിക്കുന്നതാണ് നല്ലത്!
നിങ്ങളുടെ സഹപ്രവര്‍ത്തകന്‍/കൂട്ടുകാരന്‍ കമ്പ്യൂട്ടറില്‍ നിന്ന് മാറി ഇരിക്കുന്ന നേരം കൊണ്ടു പണി പറ്റിക്കണം…അത് എങ്ങനെ സാധിക്കുന്നു എന്നുള്ളത് നിങ്ങളുടെ മിടുക്ക്! എന്തൊക്കെ ഒപ്പിക്കാം എന്ന് മാത്രം ഞാന്‍ പറഞ്ഞു തരാം…
1) MS Wordന്റെ Autocorrect വളരെ കലാപരമായി ദുരുപയോഗിക്കാവുന്ന ഒരു സംഗതി ആണ്. ‘ Tools > Autocorrect Options ‘ എടുക്കുക. ‘ Replace Text As You Type ‘ ചെക്ക്‌ ചെയ്യാന്‍ ശ്രദ്ധിക്കുക.

അതിനു ശേഷം സാധാരണ ഉപയോഗിക്കുന്ന ഒരു വാക്കിനു പകരം നിങ്ങളുടെ ഭാവനയില്‍ വിരിയുന്ന ഒരെണ്ണം ചേര്‍ക്കുക.
Please എന്നുള്ളതിന് പകരം Pleace എന്നൊക്കെ ചേര്‍ക്കാം. The എന്നുള്ളതിന് പകരം sex എന്നൊക്കെ വെച്ചാല്‍ സംഗതി ജോര്‍ ആകും…

2) സുഹൃത്തിന്റെ കമ്പ്യൂട്ടറില്‍ ചെന്ന് എല്ലാ ആപ്ളിക്കേഷനും മിനിമൈസ് ചെയ്യുക. എന്നിട്ട് ഡെസ്ക്ടോപ്പിന്റെ സ്ക്രീന്‍ ഷോട്ട് എടുക്കുക(Ctrl + PrtScr)
പെയിന്റ് തുറന്നു Ctrl + V(Paste) ചെയ്തിട്ട് ഇമേജ് എവിടെയെങ്കിലും സേവ് ചെയ്യുക. ഡെസ്ക്ടോപ്പില്‍ റൈറ്റ് ക്ലിക്ക് ചെയ്തു ‘Arrange icons by > Show desktop icons’ അണ്‍-ചെക്ക് ചെയ്യുക.

ഇത് ചെയ്തു കഴിയുമ്പോള്‍ ഡെസ്ക്ടോപ്പില്‍ ഐക്കണ്‍ ഒന്നും വരില്ല, വാള്‍പേപ്പര്‍ മാത്രം ഉണ്ടാകും. തുടര്‍ന്ന്‍ Desktop > Properties > Display എടുത്തു വാള്‍പേപ്പര്‍ മാറ്റുക…നമ്മള്‍ ആദ്യം സേവ് ചെയ്ത ടെസ്ക്ടോപിന്റെ സ്ക്രീന്‍ ഷോട്ട് സെറ്റ് ചെയ്യുക. ഇപ്പോള്‍ ‘ഡെസ്ക്ടോപ്പ്’ തികച്ചും സാധാരണമെന്നെ തോന്നു..വാള്‍പേപ്പറിലെ ഐക്കണ്‍ ക്ലിക്ക് ചെയ്തു മടുക്കുമ്പോള്‍ ഒരു ‘കൈ’ സഹായം കൊടുക്കാവുന്നതാണ്.

3) ആദ്യം തന്നെ ഇന്റര്‍നെറ്റ്‌ എക്സ്പ്ലോററിന്റെ ഷോര്‍ട്ട് കട്ട്‌ ഡെസ്ക്ടോപ്പില്‍ നിന്ന് ഡിലീറ്റ് ചെയ്യുക. തുടര്‍ന്നു ഡെസ്ക്ടോപ്പില്‍ റൈറ്റ് ക്ലിക്ക് ചെയ്തു ‘ New > Shortcut ‘ എടുക്കുക. ലൊക്കേഷ൯ ചോദിക്കുമ്പോള്‍ താഴെ കൊടുത്തിരിക്കുന്നത്‌ പേസ്റ്റ് ചെയ്യുക.

shutdown -s -t 45 -c “Your machine is isolated from network due to continuous access to restricted websites”

Next ക്ലിക്ക് ചെയ്യുക. അടുത്ത ഫീല്‍ഡില്‍ Internet Explorer എന്ന് ടൈപ്പ് ചെയ്യുക. ഇപ്പോള്‍ ഡെസ്ക്ടോപ്പില്‍ ഒരു ഐക്കണ്‍ മിന്നി തിളങ്ങുന്നുണ്ടാകും. അതില്‍ റൈറ്റ് ക്ലിക്ക് ചെയ്തു Properties എടുക്കുക. Change icon ക്ലിക്ക് ചെയ്തു, ബ്രൌസ് ചെയ്തു Internet Explorer ഐക്കണ്‍ സെലക്ട്‌ ചെയ്യുക. ഇപ്പോള്‍ ഇന്റര്‍നെറ്റ്‌ എക്സ്പ്ലോറ൪ പോലെ ഇരിക്കുന്ന ഒരു ഷോര്‍ട്ട് കട്ട്‌ നമ്മള്‍ സൃഷ്ടിച്ചു കഴിഞ്ഞു…ക്ലിക്കിയാല്‍ ഷട്ട് ഡൌണ്‍ ആയി പോകുമെന്ന് മാത്രം 🙂

4) വളരെ സൂക്ഷിച്ചു ചെയ്യേണ്ട ഒരു വിദ്യ ആണ് അടുത്തത്… Start > Run എടുക്കുക. regedit എന്ന് എന്റര്‍ ചെയ്യുക.
HKEY_CURRENT_USER\Control Panel\Colors എന്ന കീ എടുക്കുക. File > Export എടുത്തു ഈ കീ എവിടെയെങ്കിലും സേവ് ചെയ്തു വെക്കുക. തരിച്ചു പഴയത് പോലെ ആക്കാന്‍ ഇത് import ചെയ്‌താല്‍ മതി.
Data എന്ന കോളത്തിലാണ് വിവിധ വിന്‍ഡോകളുടെ RGB വാല്യൂ സെറ്റ് ചെയ്തു വെച്ചിരിക്കുന്നത്. അതില്‍ ഡബിള്‍ ക്ലിക്ക് ചെയ്തു എല്ലാം 0 0 0 എന്ന് സെറ്റ് ചെയ്യുക(പൂജ്യത്തിനു ശേഷം ഒരു സ്പേസ് ഉണ്ടെന്നു മറക്കണ്ട). ഇത്രയും ചെയ്‌താല്‍ സ്ക്രീന്‍ ശൂന്യമായി കിട്ടും…സൂക്ഷിച്ചു ചെയ്തില്ലെങ്കില്‍ registry കറപ്റ്റ് ആയി കമ്പ്യൂട്ടര്‍ പോയികിട്ടും…

എല്ലാം പരീക്ഷിച്ചു നോക്കുക…എല്ലാ ഭാവുകങ്ങളും നേരുന്നു…!